Euskal Gizataldeen Aholku Batzordeak diasporarako programak aztertu ditu, aldaketa garai batean
honek idatzia EJ-GV
astelehena, 2023 (e)ko martxoak 13
Joan zen otsailaren 20an, astelehena, 12: 00etatik 13: 30era, kanpoan diren Euskal Gizataldeen Aholku Batzordearen urteroko bilera egin da Lehendakaritzan. Bileran, Eusko Jaurlaritzak 2022an eta 2023an diasporarako dituen programak azaldu dira, aldaketa sakonak izaten ari diren garai honetan. Iñigo Urkullu lehendakaria izan da bileraren buru, eta adierazi du COVID-19aren pandemia atzean utzi eta normaltasunera itzultzen ari garela.
Pandemia osteko testuinguru honetan, nazioarteko eraldaketarekin batera normaltasunerantz progresiboki aurrera eginez, lehendakariak iragarri du kanpoan diren Euskal Gizataldeen Mundu-Batzarra egingo dela—lau urtean behin egiten da, eta azken edizioa Bilbon izan zen, 2019an—, 2023ko abenduan egingo da Gipuzkoan, “ERALDAROA” goiburupean . Hitz berri horrek aldaketa- eta eraldaketa-garaia dela esan nahi du. 2023koa Euskal Gizataldeen Mundu-Batzarraren VIII. edizioa izango da.
Bilera horretan, Marian Elorza Kanpo Harremanetarako idazkari nagusiak Euskal Diasporaren Lege berriaren inguruko notizia eman du. Lege berriak indarrean dagoen 8/94 ordezkatuko du. Lege berriaren zirriborroa lantzen ari dira gaur egun. Arantxa Anitua Hego Amerika, Erdialdeko Amerika eta Karibeko euskal etxeetako ordezkariak adierazi du Euskal Diasporaren Lege Berriak “interes handia sortu duela”.
Diaspora “osoaren” alde “gehiago” egiteko
Kanpo Harremanetarako idazkari nagusiak esan du Lege berriarekin “gehiago egingo dela” euskal diasporaren alde; orain arte lortutako guztia zainduz eta, aldi berean, aurrera eginez. “Jantzi berri bat egingo da, ibilitako bidea ezertan kaltetuko ez duena, baina garai berrietara iristeko lagunduko duena”, adierazi du Marian Elorzak.
Unai Lauzirika Europa, Asia eta Ozeaniako euskal etxeen ordezkariak euskal etxeak pandemiaren osteko egoeran nola "berrasmatu" diren nabarmendu du, eta berak ordezkatzen dituen eremu geografiko horretako euskal etxeetan zuzendaritza-taldeak berritzen ari direla adierazi du, eta horietan gazte ugari sartu direla.
Halaber, Unai Lauzirikak nabarmendu du eremu geografiko horretako euskal etxe gehienetan euskara ikasteko "online" programak eskaintzen dituztela. Etxepare Institutuko Imanol Otegik azaldu du kanpoan badagoela euskararekiko interesa: pandemia garaia izanda ere, atzerrian euskara ikasteko matrikulen kopurua 1.600era iritsi da.
Ipar Amerikan, pandemiaren ondorengo euskal etxeen egoera, oro har, “egonkorra” da, baina “belaunaldien arteko erreleboa ziurtatzeko” erronka dute. Hori da AEBetako, Kanadako eta Mexikoko euskal etxeen kezka nagusia, adierazi du Jean Flesher Ipar Amerikako euskal etxeetako ordezkariak.
Dirulaguntzen aurrekontua gehitu da
Kanpoan den Euskal Komunitatearentzako zuzendari Gorka Alvarez Aranburuk bere Zuzendaritzak pandemiak eragindako kolpearen aurrean egindako ahalegina nabarmendu du. 2022an aurrekontuak gehitu egin dira 1.054.727 eurora iritsi arte euskal etxeentzako dirulaguntzen lerroan, jardueretako gastuetarako, gastu arruntetarako eta obretako gastuetarako. Premia larrian dauden familia-unitateentzako laguntzetan —familia horien % 70 emakumeen kargura daude—, 212.000 eurora iritsi da hazkundea aurrekontuan. Latinoamerikako euskal komunitateak izan dira bi laguntza-ildo horien hartzaile nagusiak.
Gorka Alvarez Aranburuk adierazi du, halaber, ekimen berriagoak finkatu egin direla, hala nola Euskal Diasporaren Eguna —2023an Bizkaian egingo dena—, Diasporari buruzko graduondokoa, gizon eta emakumeen arteko berdintasunerako online programa —Hego Amerikako euskal etxeetan harrera ona izan ondoren, AEBetako, Kanadako eta Australiako euskal etxeetara eramango dena—, kanpoan diren euskal komunitateei buruzko ikerketarako laguntzak edo Zuzendaritzak egindako hedapen- eta komunikazio-ekintzak. Esan du, bestalde, Han-Hemen euskal komunitate birtualaren prototipoa eratu ondoren, 2023an abian ezarriko dela.
Pandemia osteko testuinguru honetan, nazioarteko eraldaketarekin batera normaltasunerantz progresiboki aurrera eginez, lehendakariak iragarri du kanpoan diren Euskal Gizataldeen Mundu-Batzarra egingo dela—lau urtean behin egiten da, eta azken edizioa Bilbon izan zen, 2019an—, 2023ko abenduan egingo da Gipuzkoan, “ERALDAROA” goiburupean . Hitz berri horrek aldaketa- eta eraldaketa-garaia dela esan nahi du. 2023koa Euskal Gizataldeen Mundu-Batzarraren VIII. edizioa izango da.
Bilera horretan, Marian Elorza Kanpo Harremanetarako idazkari nagusiak Euskal Diasporaren Lege berriaren inguruko notizia eman du. Lege berriak indarrean dagoen 8/94 ordezkatuko du. Lege berriaren zirriborroa lantzen ari dira gaur egun. Arantxa Anitua Hego Amerika, Erdialdeko Amerika eta Karibeko euskal etxeetako ordezkariak adierazi du Euskal Diasporaren Lege Berriak “interes handia sortu duela”.
Diaspora “osoaren” alde “gehiago” egiteko
Kanpo Harremanetarako idazkari nagusiak esan du Lege berriarekin “gehiago egingo dela” euskal diasporaren alde; orain arte lortutako guztia zainduz eta, aldi berean, aurrera eginez. “Jantzi berri bat egingo da, ibilitako bidea ezertan kaltetuko ez duena, baina garai berrietara iristeko lagunduko duena”, adierazi du Marian Elorzak.
Unai Lauzirika Europa, Asia eta Ozeaniako euskal etxeen ordezkariak euskal etxeak pandemiaren osteko egoeran nola "berrasmatu" diren nabarmendu du, eta berak ordezkatzen dituen eremu geografiko horretako euskal etxeetan zuzendaritza-taldeak berritzen ari direla adierazi du, eta horietan gazte ugari sartu direla.
Halaber, Unai Lauzirikak nabarmendu du eremu geografiko horretako euskal etxe gehienetan euskara ikasteko "online" programak eskaintzen dituztela. Etxepare Institutuko Imanol Otegik azaldu du kanpoan badagoela euskararekiko interesa: pandemia garaia izanda ere, atzerrian euskara ikasteko matrikulen kopurua 1.600era iritsi da.
Ipar Amerikan, pandemiaren ondorengo euskal etxeen egoera, oro har, “egonkorra” da, baina “belaunaldien arteko erreleboa ziurtatzeko” erronka dute. Hori da AEBetako, Kanadako eta Mexikoko euskal etxeen kezka nagusia, adierazi du Jean Flesher Ipar Amerikako euskal etxeetako ordezkariak.
Dirulaguntzen aurrekontua gehitu da
Kanpoan den Euskal Komunitatearentzako zuzendari Gorka Alvarez Aranburuk bere Zuzendaritzak pandemiak eragindako kolpearen aurrean egindako ahalegina nabarmendu du. 2022an aurrekontuak gehitu egin dira 1.054.727 eurora iritsi arte euskal etxeentzako dirulaguntzen lerroan, jardueretako gastuetarako, gastu arruntetarako eta obretako gastuetarako. Premia larrian dauden familia-unitateentzako laguntzetan —familia horien % 70 emakumeen kargura daude—, 212.000 eurora iritsi da hazkundea aurrekontuan. Latinoamerikako euskal komunitateak izan dira bi laguntza-ildo horien hartzaile nagusiak.
Gorka Alvarez Aranburuk adierazi du, halaber, ekimen berriagoak finkatu egin direla, hala nola Euskal Diasporaren Eguna —2023an Bizkaian egingo dena—, Diasporari buruzko graduondokoa, gizon eta emakumeen arteko berdintasunerako online programa —Hego Amerikako euskal etxeetan harrera ona izan ondoren, AEBetako, Kanadako eta Australiako euskal etxeetara eramango dena—, kanpoan diren euskal komunitateei buruzko ikerketarako laguntzak edo Zuzendaritzak egindako hedapen- eta komunikazio-ekintzak. Esan du, bestalde, Han-Hemen euskal komunitate birtualaren prototipoa eratu ondoren, 2023an abian ezarriko dela.
.